Veliaj mburret për bashkimin me deputetin e larguar nga dekriminalizimi

Nga Exit News
Veliaj mburret për bashkimin me deputetin e larguar nga dekriminalizimi

Kryetari i Bashkisë së Tiranës, Erion Veliaj ka dalë sot në krah të ish-deputetit Gledjon Rehovica, i larguar nga Kuvendi nga ligji i dekriminalizimit në vitin 2018.

Veliaj ka publikuar në Facebook një foto ku në krah ka dy ish-deputetë të LSI-së në Berat, Nasip Naço dhe Gledjon Rehovicën.

“Bashkimi bën fuqinë” shkruan Veliaj pasi dy ish-deputetët i janë bashkuar së fundi Partisë Socialiste.

Por ‘bashkimi’ me deputetë të larguar nga dekriminalizimi është kundërshtuar javët e fundit nga aktorët ndërkombëtarë.

Ambasadorja Kim ka bërë thirrje të përsëritura që deputetët e larguar nuk duhet të rikthehen në lista me parti të tjera.

Kryeministri Rama është përgjigjur se nuk do të ketë persona të inkriminuar në listat e PS për zgjedhjet e 2021.

Gledjon Rehovica u largua nga Kuvendi pasi KQZ vendosi t’i heqë mandatin sepse ai nuk kishte deklaruar një procedim në itali për vjedhje dyqani.

Ai e apeloi vendimin dhe kërkoi të rikthehej në Kuvend por Gjykata Administrative e refuzoi kërkesën.

Rreth 600 persona kanë humbur postet e tyre si pasojë e zbatimit të ligjit të dekriminalizmit prej vitit 2015. Mes tyre edhe 3 kryebashkiakë dhe 7 deputetë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>