Kryebashkiu dhe drejtuesi politik i PS-së Erion Veliaj falenderoi stafet e PS-së për punën gjatë zgjedhjeve. Ai u shpreh se Exit Pollet e japin PS, forcë të parë me 71 deri në 72 mandate.
“Ka qënë një ditë e gjatë dhe shpresëdhënëse. mezi pres ta cojmë deri në fund me numërimin. Lajm i mirë është që Exit Pollet na kanë nxjerr fitues. Lajmi i dytë më i mirë është se në Tiranë dhe në gjithë Shqipërinë kemi më shumë se 72 mandate.
Por si projeksionet e PS-së dhe të Exit Pollet, ne duhet të mbarojmë procesin e votimit. Ne duhet të presim procesin e votimit. Duhet të numërohet votat e të gjithëve”, u shpreh Veliaj në një dalje për median nga selia e PS-së.
