Vetingu, konfirmohet në detyrë prokurori i çështjes Tahiri

Vetingu, konfirmohet në detyrë prokurori i çështjes Tahiri

Prokurori i Krimeve të Rënda Dritan Prençi kaloi me sukses vetingun dhe do të vazhdojë punën në sistemin e drejtësisë.

Vendimi u dha sot nga trupa e Komisionit të Pavarur të Kualifikimit e përbërë nga Genta Tafa Bungo, Pamela Qirko dhe Suela Zhegu.

Sipas relacionit të KPK-së, pasuria e Prençit është vënë në mëyrë të ligjshme dhe figura e tij është e pastër.

Prokurori Prençi ishte pjesë e listës prioritare të vetingut pasi është kandidat për anëtar të Këshillit të Lartë të Prokurorisë.

Aktualisht Dritan Prençi po heton çështjen e ish-ministrit Tahiri, dosjen e Orest Sotës dhe financierit të Habiljave Nezar Seiti.

Me konfirmimin e Prençit në detyrë, shkon në tre numri i prokurorëve që do të vazhdojnë të jenë pjesë e sistemit të drejtësisë. Më parë dhe prokuroret Fatjona Memçaj dhe Anila Leka janë konfirmuar në detyrë.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>