Vetingu, KPK seancë me gjyqtaren e Kushtetueses Xhoxhaj, zbulohen probleme me pasurinë

Vetingu, KPK seancë me gjyqtaren e Kushtetueses Xhoxhaj, zbulohen probleme me pasurinë

Komisioni i Pavarur i Kualifikimit po zhvillon sot seancën dëgjimore me gjykatësen e Gjykatës Kushetetuese Altina Xhoxhaj në kuadër të procesit të vetingut.

Deri më tani, KPK, bazuar në hetimin administrativ, ka ngritur një sërë problemesh për deklarimin e pasurisë së gjyqtares Xhoxhaj :

Mospërputhje në deklarimin e burimit të parave;

Mungesë të ardhurash për të justifikuar blerjen e një apartamenti;

Shuma të larta parash në formë cash;

Probleme pronësie për një truall në Gjirin e Lalzit;

Për sa i përket aftësive profesionale, sipas KPK, gjyqtarja Xhoxhaj ka marrë vendime në kushtet e konfliktit të interesit.

Vendimi për kalimin ose jo të procesit të vetingut për gjyqtaren Xhoxhaj do të merret pas dy ditësh.

Altina Xhoxhaj e ka nisur karrierën në vitin 1995 në gjykatën e shkallës së parë në Tiranë. Nga viti 2006 deri në vitin 2010, Xhoxhaj ka qenë anëtare e Këshillit të Lartë të Drejtësisë. Që prej vitin 2010 ka qenë anëtare e Gjykatës Kushtetuese.

Deri më tani, vetëm gjyqtarja e Kushtetueses Vitore Tusha ka kaluar vetingun dhe do të vazhdojë detyrën.

Gjyqtari i Kushtetutes Fatos Lulo nuk e kaloi procesin e verifikimit për shkak të mosjustifikimit të pasurisë, ndërsa gjyqtari tjetër Besnik Imeraj dha dorëheqjen përpara se të niste hetimi.

Ndërkohë KPK ka vendosur dhe moskalimin e vetingut për për gjyqtarin e Apelit Durrës, Besim Trezhnjeva dhe prokuroren e në Prokurorisë së Apelit Shkodër Besa Nikëhasani, të dy për shkak të mosjustifikimit të pasurisë.

LEXO  Gjykata Kushtetuese thirrje partive politike të pranojnë vendimet

Lajme te ngjashme