Kryetarja e Kuvendit në Kosovë, Vjosa Osmani deklaroi se marrëveshja e arritur në Uashington nuk arriti të përmbushte pikat që ju premtuan qytetarëve kosovarë.
Në një postim në Facebook, Osmani pohoi se njohja e Kosovës nga Izraeli është njohja më e rëndëishme.
“Njohja nga Izraeli është një prej njohjeve më të rëndësishme që i ka ardhur Kosovës qe një kohë të gjatë. Kjo edhe njëherë dëshmoi se që nga shpallja e pavarësisë sonë, Shtetet e Bashkuara kanë rol ekzistencial në përkrahjen dhe konsolidimin e subjektivitetit ndërkombëtar te Kosovës.
Në anën tjetër, delegacioni i Kosovës nuk arriti t’i sjellë vendit pikërisht ato që i premtoi qytetarëve dhe Kuvendit qe një kohë të gjatë”.
Sipas saj marrëveshja nuk adresoi pikat e mëposhtëme:
– Njohjen e reciproke me Serbinë
– Mosnegociimin e shfrytëzimit të resurseve (siç është Ujmani)
– Mospranimin e Mini-Schengenit
– Moscenimin e Kushtetutës dhe deklaratës së pavarësisë
– Rezultate konkrete për të pagjeturit
– Dëmshpërblim për reparacionet e luftës
– Përgjegjësi të Serbisë për krimet e kryera në Kosovë
– Eliminim të plotë të barierave jotarifore që Serbia i ka vënë Kosovës.
