Vjosa Osmani paralajmëron padi kundër Thaçit

Nga Exit News
Vjosa Osmani paralajmëron padi kundër Thaçit

Kryetarja e Parlamentit të Kosovës Vjosa Osmani ka paralajmëruar se do të padisë Presidentin Hashim Thaçi për pretendimin se familja e saj ishte bashkëpunëtore e regjimit serb, gjatë luftës.

Gjatë javëve të kaluara, fotografitë e dy burra me uniformë të policisë serbe bënë xhiron në internet. Një prej tyre, u tha, se ishte babai i Vjosa Osmani.

Osmani e përgënjeshtroi lajmin dhe e quajti shpifje. Ajo mohoi që burri në foto të ishte babai i saj. Ajo gjithashtu mohoi që babai i saj të ketë punuar ndonjëherë për Serbinë, duke e quajtur këtë një shpifje nga ana e atyre që “tregtojnë me kufij” dhe “e kanë bërë Kosovën të varur nga Beogradi.”

Kjo ishte një shpifje e Thaçit, i cili, sipas Osmani, është i interesuar për mundësinë e shkëmbimit të territorit me Serbinë.

Më 9 qershor, Thaçi në një intervistë në Klan Kosova la të kuptohej se të afërmit e Osmanit kishin bashkëpunuar me regjimin serb. Ai kërcënoi se do të sillte më shumë prova, nëse Osmani do të vazhdonte ta akuzonte përsëri se ai promovonte shkëmbimin e territorit.

Tensionet midis Thaçit dhe Osmanit u rritën pas shpërbërjes së koalicionit qeverisës LVV-LDK dhe rrëzimit të qeverisë Kurti përmes një mocioni të mosbesimit të nisur nga LDK.

Megjithëse Osmani është nënkryetare e LDK-së dhe ishte kandidate për Kryeministre gjatë zgjedhjeve të fundit të Kosovës, ajo votoi kundër mocionit të partisë së saj dhe doli në kundër formimit të qeverisë së re të Kosovës, të udhëhequr nga Avdullah Hoti i LDK-së.

Osmani është gjithashtu ndër kundërshtaret kryesore të një shkëmbimi të mundshëm territorial me Serbinë.

Rrjeti i OJQ-ve për gratë “Rrjeti i Grave të Kosovës” shprehu shqetësim për “sulmet e vazhdueshme dhe shpifjet drejtuar kryetares së parë parlamentare të Kosovës”. Ambasadat amerikane, britanike, franceze, gjermane dhe italiane në të njëjtën mënyrë kërkuan që fyerjet dhe kërcënimet të liheshin jashtë debatit politik publik.

Gjatë seancës së djeshme parlamentare, Osmani akuzoi Thaçin se po përpiqej ta pikturonte atë si jo patriotike. “Mënyra më e mirë për të nderuar ushtarët tanë,” tha Osmani, “është të punojmë me përgjegjësi.”

Ajo i konsideroi fjalët e Thaçit jo vetëm fjalë urrejtje, por edhe nxitje të dhunës. Osmani tha se familjarët e saj tani janë të shqetësuar për sigurinë e tyre dhe insistoi që procedurat ligjore kundër shpifjeve duhet të fillojnë sa më parë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>