Vokshi: Kuvendi të tërheq vendimin për censurimin e gazetarëve

Nga Exit News
Vokshi: Kuvendi të tërheq vendimin për censurimin e gazetarëve

Deputetja e PD-së, Albana Vokshi përshëndeti gazetarët dhe BE-në që ngritën zërin për censurimin nga Kuvendi dhe i bëri thirrje këtij të fundit të tërhiqej nga vendimi arbitrar.

“Vendimi i paligjshëm, antikushtetues dhe antidemokratik që pengon gazetarët të bëjnë punën e tyre në Kuvend duhet të zhbëhet,” shkruan Vokshi në një status në rrjetin Facebook.

Ajo e quajti atë një vendim politik të marr nga kreu i Kuvendit, Gramoz Ruçi, i cili do të duhej të kërkonte falje sipas Vokshit.

“Kufizimi i lirisë së medias në një vend që pritet të hapë negociatat me BE është po aq i papranueshëm sa vjedhja e votës!,” përfundon ajo.

 

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>