Vokshi pyet qeverinë: Përse nuk tregoni sa të infektuar ka nëpër shkolla?

Nga Exit News
Vokshi pyet qeverinë: Përse nuk tregoni sa të infektuar ka nëpër shkolla?

Ish-deputetja demokrate Albana Vokshi ka akuzuar kryeministrin Rama dhe ministren e Arsimit Kushi se po lejojnë shkollat të kthehen në vatra infeksioni për shkak të mosmarrjes së masave.

Në një postim në Facebook, Vokshi shkruan se qeveria mashtroi për linjat e veçanta apo prioritare për shkollat. Madje edhe kur pothuajse i tërë stafi i shkollave është i prekur me koronavirus, ato nuk mbyllen pasi kjo rrëzon propagandën e Ramës.

Vokshi akuzon qeverinë se nuk po bën publike të dhënat reale për të infektuarit nëpër shkolla.

Ajo i drejton ministrisë disa pyetje në lidhje më këtë situatë:

  1. Sa është numri i mësuesve të infektuar nga COVID19 që në nisje të vitit shkollor?
  2. Sa mësues kanë humbur betejën më COVID19?
  3. Sa është numri total i nxënësve të infektuar me COVID19?
  4. Sa është numri total i testeve të bëra për mësuesit?
  5. Sa është numri total i testeve të bëra për nxënësit?
  6. Sa është numri i testeve të bëra për familjarët apo kontaktet e mësuesve/nxënësve?
  7. Pse nuk ka një raportim ditor për arsimin?

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>