Vokshi: Rama ka që në vitin 2000 që do të prishë teatrin

Nga Exit News
Vokshi: Rama ka që në vitin 2000 që do të prishë teatrin

Një nga politikanet më të zëshme për çështjet e teatrit, Albana Vokshi ka thënë se Kryeministri Rama po përdor Erion Veliajn si gurin e fundit për të prishur Teatrin Kombëtar, duke realizuar kështu ëndrrën e tij 20 vjeçare.

“Edi Rama ia ka vënë syrin Teatrit Kombëtar që në vitin 2000. Prej 20 vitesh, në çdo detyrë shtetërore: si ministër kulture, Kryebashkiak i Tiranës, e tani Kryeministër, ai ka lëvizur çdo gur, ka përdorur çdo menyrë për të shembur Teatrin Kombëtar.

Pasi provoi çdo mjet tjeter antikushtetues, antiligjor, pasi përdori gjithë grupin parlamentar e çdo ministër të qeverisë, tani po përdor gurin e fundit, atë më të (sh)përdorshmin, Erjon Velinë.

Personi që nuk njeh asnjë limit, që s’ka lëne gjë të zezë pa i bërë Tiranës, e tani kërkon t’i shkatërrojë edhe teatrin, një vlerë të çmuar të trashëgimisë së saj kulturore”, shkruan Zonja Vokshi.

Por, Vokshi shton se “historia ka treguar që në fund, e mira fiton mbi të keqen. Pas dy vitesh, si për inat të Ramës, Teatri Kombëtar ngrihet i madhërishëm. Edhe këtë herë, jam e sigurt që vlerat shqipëtare dhe europiane, do fitojnë mbi antivlerat”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>