Vuçiç diskuton me zyrtarët evropian vazhdimin e dialogut me Kosovën

Nga Exit News
Vuçiç diskuton me zyrtarët evropian vazhdimin e dialogut me Kosovën

Presidenti i Serbisë, Aleksandër Vuçiç u takua të hënën me zyrtarë të lartë të BE-së në Bruksel për të diskutuar mbi dialogun me Kosovën.

Vuçiç filloi vizitën e tij dy-ditore në BE, të dielën, në mbrëmje me një takim me të dërguarin e BE-së mbi dialogun Prishtinë-Beograd, Miroslav Lajcak.

“U takova me Presidentin e Serbisë Aleksandër Vuçiç për të diskutuar mbi dialogun Beograd-Prishtinë. Këtë javë, do të diskutoj të njëjtën çështje me Kryeministrin e Kosovës Albin Kurti”,shkroi Lajcak në Twitter.

Të hënën, Aleksandër Vuçiç u prit nga Presidentja e Komisionit Evropian, Ursula von der Leyen.

“Ne diskutuam për luftën kundër COVID-19, rimëkëmbjen ekonomike, procesin e pranimit ku duhet të vazhdojmë të shohim zhvillime pozitive në sundimin e ligjit, dialogun Beograd-Prishtinë dhe hekurudhën Beograd-Maqedoni të Veriut, të cilat ne jemi të gatshëm t’i mbështesim”, shkroi von der Leyen në një postim në Twitter.

Vuçiç u takua gjithashtu me Komisionerin Olivér Várhelyi.

“Diskutuan për përshpejtimin e negociatave të pranimit me Serbinë, bazuar në përparimin e e bërë në axhendën e reformave të BE-së,” shkroi Várhelyi në Twitter.

Presidenti serb do të takohet gjithashtu me Përfaqësuesin e Lartë të BE për Punët e Jashtme dhe Politikën e Sigurisë, Josep Borrell.

Të njëjtët zyrtarë të BE do të takohen edhe me Kryeministrin e Kosovës, Albin Kurti, tre ditë më vonë, të enjten.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>