Vuçiç: refuzoj të takoj Trump, nëse më kërkohet pavarësia e Kosovës

Nga Exit News
Vuçiç: refuzoj të takoj Trump, nëse më kërkohet pavarësia e Kosovës

Presidenti i Serbisë, Aleksander Vuçiç ka thënë se nuk do të pranojë të takohet me presidentin amerikan Donald Trump nëse Shtetet e Bashkuara të Amerikës do të kërkojnë që Serbia të pranojë pavarësinë e Republikës së Kosovës.

Këto deklarata Vuçiq i ka bërë teksa ka treguar se ka marrë agjendën zyrtare të takimit në Washington dhe se  në atë agjendë është “një pikë e papranueshme”, shkruan nedeljnik.rs, raporton Gazeta Express.

“Nëse do të më ofrohet një takim bilateral me presidentin e SHBA-së unë do të jem presidenti i parë i Serbisë që do të refuzojë”, ka thënë Vuçiç, teksa është pyetur nëse do t’i kërkohet njohja e Kosovës nga Amerika.

Megjithatë kreu i shtetit serb nuk ka pranuar që të jap më shumë detaje rreth “pikës së papranueshme”.

Tutje Vuçiq ka thënë se do të mbrojë interesin e Serbisë pavarësisht se në çfarë presioni do të gjendet.

Publikuar nga Gazeta Express.

Adresa juaj e emailit nuk do bëhet publike.

Lajme te ngjashme