Lëvizja Vetëvendosje e Kosovës kundërshtoi, të martën, vendimin e KQZ për votuesit që ndodhen jashtë Kosove.
LVV i ka dërguar një ankesë Panelit Zgjedhor për Ankesa dhe Parashtesa(PZAP).
Lëvizja ka sqaruar se sa i përket qëndrimit ndaj këtij vendimi nga përfaqësuesit e LVV-së në KQZ, ata e kanë kundërshtuar atë.
LVV deklaron në lidhje me këtë:
“Një gjë e tillë është kundërshtuar nga dy përfaqësuesit e LV-së, sepse kjo do të krijonte probleme dhe komplikime për bashkatdhetarët.
Jo secili bashkatdhetar mund të ketë email adresë personale, sidomos më të moshuarit, derisa dërgimi individual i zarfeve për votim do të krijonte shpenzime shtesë dhe humbje kohe për secilin prej tyre, e rrjedhimisht mosaplikimin dhe mosbotimin.”
Lëvizja shprehet se përfaqësuesit e tyre në KQZ kanë ngritur disa çështjen e aplikimit online si mënyra më e lehtë për aplikim.
Sipas LVV disa parti po tentojnë të bllokojnë votimin e shtetasve të Ksoovës që ndodhen jashtë vendit, pasi Vetëendosja ka një mbështetje të madhe aty. Për këtë LVV tha:
“Raporti i Lëvizjes më mërgatën është i qartë. Lehtësimi i procedurave të votimit për bashkatdhetarët dhe integriteti i procesit zgjedhur janë prioritet i Lëvizjes VETËVENDOSJE!, përfaqësuesve tanë në KQZ dhe qeverisjes sonë të ardhshme”.
Vendimi i KQZ u kundërshtua dhe nga presidentja në detyrë Vjosa Osmani, e cila të hënën fill pas publikimit të vendimit i kërkoi KQZ të rishikojë vendimin.
