Zëdhenësi i BE për çështjet e jashtme: Ndryshimet kushtetuese vlejnë dhe për Serbinë

Nga Exit News
Zëdhenësi i BE për çështjet e jashtme: Ndryshimet kushtetuese vlejnë dhe për Serbinë

Zëdhënësi për Politikë të Jashtme dhe Siguri i BE-së, Peter Stano sqaroi se ndryshimet kushtetuese vlejnë dhe për Kosovën dhe Serbinë.

Në një deklaratë për Radio Evropa e Lirë, Stano u shpreh se ka patur një keqkuptim mbi atë çfarë ka thënë Lajçak.

“Në këtë rast, është thënë ajo çka është e qartë – dhe zoti Lajçak ka shpjeguar se çfarë ndodh nëse je duke e negociuar një marrëveshje ndërkombëtare. Kur arrin një marrëveshje ndërkombëtare, atëherë duhet të konsiderohen rregullimet e nevojshme ligjore nga qeveria, duke përfshirë edhe nivelin kushtetues, në mënyrë që ta integrojë atë në rendin ligjor dhe kushtetues. Dhe kjo vlen për Kosovën dhe Serbinë”

I dërguari i posaçëm i BE-së, Miroslav Lajcak ndezi reagime të forta në Kosovë pas deklaratës së tij se Kushtetuta e Kosovës “nuk është Bibël” dhe ajo duhet të ndryshojë.

Adresa juaj e emailit nuk do bëhet publike.

Lajme te ngjashme