Zyra e Pompeut dhe Rama deklarata të ndryshme rreth takimit mes tyre

Zyra e Pompeut dhe Rama deklarata të ndryshme rreth takimit mes tyre

Kryeministri Rama dhe Departamenti i Shtetit kanë bërë dy deklarata të ndryshme mbi temat e diskutuar sot mes Sekretarit Mike Pompeo dhe Kryeministrit Rama.

Sipas njoftimit për shtyp të publikuar në faqen e Departamentit të Shtetit, Mike Pompeo dhe Edi Rama kanë diskutuar për anëtarësimin e Shqipërisë në BE, prioritete e presidencës shqiptare të OSBE-së, për reformën në drejtësi dhe reformën zgjedhore, për angazhimet në NATO, dhe për veprimet kundër aktiviteteve “malinje” iraniane.

“Sekretari amerikan i shtetit Mike Pompeo u takuan sot me Kryeministrin e shqipërisë Edi Rama në Uashington. Sekretari Pompeo dhe Kryeministri Rama diskutuan prioritetet gjatë Kryesisë së Shqipërisë në vitin 2020 të Organizatës për Siguri dhe Bashkëpunim në Evropë.

Sekretari theksoi mbështetjen e fortë të SHBA-ve për anëtarësimin e Shqipërisë në Bashkimin Evropian, për reformën në drejtësi dhe përpjekjet për reformën zgjedhore.

Sekretari gjithashtu e përgëzoi Kryeministrin për angazhimin e palëkundur të qeverisë së tij për ndarjen e detyrimeve të NATO-s, për veprimet kundër veprimtarisë malinje iraniane, dhe për ndërmarrjen e një roli lideri në mbrojtjen e rrjeteve të komunikimit të gjeneratës së ardhshme”, njofton zëdhënësi i Departamentit të Shtetit, Morgan Ortagus.

Ndërsa, Kryeministri Rama tha se diskutoi me Sekretarin amerikan të Shtetit Mike Pompeo për planin e rindërtimit, paketën AntiKÇK, Shengenin Rajonal dhe dialogun Kosovë – Serbi.

“Në zyrën e Sekretarit të Shtetit, Mike Pompeo, për Rindërtimin, paketën AntiKÇK, Shengenin Rajonal dhe dialogun Kosovë – Serbi, si edhe sfidat e përbashkëta të aleancës sonë strategjike, ku Shqipëria mbetet besnikërisht e lidhur me Shtetet e Bashkuara të Amerikës”, shkroi Rama në Facebook.

LEXO  Mbi 30 të vdekur nga sulmi kamikaz në Bagdad, ISIS merr përgjegjësinë

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>