Deputetja demokrate Albana Vokshi ka akuzuar Kryeministrin Rama se po tenton me çdo kusht kapjen e sistemit të drejtësisë.
E pranishme në Samitin e Grave të Partive Popullore Europiane që u mbajt në Spanjë nën drejtimin e europarlamentares Doris Pack, deputetja Vokshi u shpreh se kryeministri po qeveris me banda dhe kriminelë, ndaj nuk i intereson një reformë që prodhon një sistem drejtësie të pavarur.
Një tjetër shqetësim që Zonja Vokshi ndau me Zonjën Doris Pack ishte largimi i shqiptarëve nga vendi për shkak të gjendjes së rënduar ekonomike.
Ajo akuzoi qeverinë Rama se me korrupsionin e lartë në shëndëtësi e drejtësi, kanë dëtyruar shqiptarët të largohen për një jetë më të mirë.
