Ministri i Brendshëm Saimir Tahiri mohoi sot zotërimin e një pajisjeje përgjimi nga policia
“Policia e shtetit nuk ka pasur, nuk ka dhe nuk mund të ketë kurrë në përdorim pajisje që mundësojnë përgjimin e telefonatave, mesazheve apo të dhënave”, deklaroi ministri Tahiri përpara Komisionit të Sigurisë, ku po përgjigjet në lidhje me skandalin e përgjimeve.
Ai tha se policia përdor pajisje të ligjshme për të trajnuar punonjësit e policisë.
“Për hir të trajnimeve përdor pajisje që është e ligjshme. E kemi përdorur dhe do përdorim. Hajdeni të merrni pjesë në trajnime dhe inkurajoni policinë”, u shpreh Zoti Tahiri.
Ai mohoi që drejtoria e policisë të ketë shkelur ligjin dhe u shpreh i gatshëm të ndihmojë Prokurorinë e Përgjithshme në hetime.
