Qindra banorët të Poçemit e të Tiranës dhe aktivistë europianë protestuan sot përpara Kryeministrisë kundër ndërtimit të hidrocentralit të Poçemit në lumin e Vjosës.
Ata i kërkuan Kryeministrit Rama të mos e shkatërrojë Luginën e Vjosës, por të investojë aty për ta ktheyr në një park të mbrojtur e në një zonë turistike.
“Vjosa nuk është pasuri vetëm e Shqipërisë, por dhe e Bashkimit Europian ku ne duam të anëtarësohemi”, u shpreh njëri prej drejtuesve të protestës.
Pavarësisht kundërshtimit të qytetarëve dhe Këshillit të Europës për të mos ndërtuar hidrocentrale në Vjosë, Kryeministri Rama nuk u tërhoq nga ndërtimi i tyre. Në prill u shpall fituesi i tenderit për hidrocentralin e Poçemit.
