Nënkryetari i Partisë Demokratike Edi paloka akuzoi sërisht Kryeministrin Rama se po mbron publikisht kriminelët që ka futur në qeveri dhe PS.
Në një konferencë për shtyp, ai tha se ka ende shumë funksionarë të qeverisë që do të largohen pasi kanë kryer vepra penale në të shkuarën e tyre
“Nuk është Elvis Rroshi problemi më i madh i Shqipërisë, por Edi Rama. Ai mori një të dënuar, një trafikant droge, një shef bande, një përdhunues, ua nxori socialistëve si modelin e tij, e vuri të marrë vota e t’i blejë ato, duke ia paraqitur Kavajës dhe mbarë shoqërisë si model suksesi që duhej ndjekur.
