Kërkesa e deputetes Mimoza Hafizi për shpalljen e pavlefshëm të vendimit të Kongresit për referendumin brenda Partisë Socialiste do të mbetet pa shqyrtuar nga Komisioni i Garancive Statutore.
Deputetja Hafizi, në kërkesën e saj dërguar pak ditë më parë, kërkonte interpretimin e statutit të partisë për nenet që lidhen me mbajtjen e një referendumi, saktësisht nenet 45 dhe 72.
Por, sipas informacioneve të ardhura nga Partia Socialiste, Komisioni i Garancive Statutore nuk ka parashikuar të mblidhet përpara datës 9 prill, datë kur do të zhvillohet dhe referendumi për vazhdimin e mandatit te kryetarit të PS Edi Rama.
