Komisioni i Venecias rrëzoi disa prej kërkesave të PD-së dhe LSI-së për reformën në drejtësi.
Rekomandimet e fundit të Komisionit nuk mbështesin krijimin e Këshillit të Emërimeve, kërkesa kjo e opozitës.
Ndarja me dy gjykata, Gjykata e Lartë për çështje civile dhe penale dhe Gjykata e Lartë Administrative, kërkesë e PD-së dhe LSI-së, gjithashtu është hedhur poshtë nga Venecia.
Ende nuk dihet se si do të vazhdojnë bisedimet mes dy grupeve të maxhoracës e opozitës, pasi ata ende nuk kanë rënë dakort se në çfarë niveli do të bisedojnë. Opozita kërkon tryezë politike, ndërsa maxhoranca kërkon që diskutimi të bëhet në nivel ekspertësh.
