Një gjykatës i Vatikanit urdhëroi të shtunën gjykimin e 10 persona, përfshirë një kardinal italian, për krime të pretenduara financiare përfshirë përvetësim, pastrim parash, mashtrim, zhvatje dhe abuzim të detyrës.
Të paditurit përfshijnë Kardinalin Angelo Becciu si dhe ish-shefat e njësisë së inteligjencës financiare të Vatikanit dhe dy ndërmjetësues italianë të përfshirë në blerjen nga Vatikani të një ndërtese në një zonë luksoze të Londrës, raporton Reuters.
Becciu, të cilin Papa Françesku e pushoi vitin e kaluar dhe i cili gjithmonë ka deklaruar pafajësinë e tij gjatë një hetimi dy-vjeçar, u bë zyrtari më i lartë i Kishës në Vatikan, i akuzuar për krime të pretenduara financiare.
Sipas ligjit të Kishës, papa personalisht miratoi vendimin e gjykatësit për të hetuar dhe paditur Becciun. Akuzat kundër tij përfshijnë përvetësim dhe shpërdorim detyre. Një grua italiane që punonte për Becciu u akuzua për përvetësim.
Agjentët italianë Gianluigi Torzi dhe Raffaele Mincione u paditën me akuza për përvetësim, mashtrim dhe pastrim parash. Torzi, për të cilin magjistratët italianë lëshuan një urdhër arresti nëpPrill, u akuzua gjithashtu për zhvatje.
Të dy kanë mohuar akuzat. Gjyqi do të fillojë në 27 korrik në Vatikan, tha një deklaratë.
