Pfizer kërkon miratimin e dozës së 3-të

Nga Exit News
Pfizer kërkon miratimin e dozës së 3-të

Kompanitë Pfizer dhe BioNTech do të kërkojnë autorizimin për një dozë të tretë të vaksinës kundër COVID-19.

Sipas prodhuesit të vaksinave, një dozë e tretë brenda 12 muajsh do të rrisë shumë imunitetin dhe mbase mund të ndihmojë në mbrojtjen nga variantet e reja të koronavirusit.

Varianti Delta i koronavirusit, ka ngjallur shqetësim në gjithë botën për shkak të aftësisë së përhapjes.

Pfizer dhe BioNTech thanë se ata presin që një dozë e tretë do të jetë efektive kundër variantit Delta dhe se ata do të kërkojnë autorizim në Shtetet e Bashkuara, Evropë dhe rajone të tjera në javët e ardhshme.

Vaksina e Pfizer deri më tash merret me dy doza.

Hulumtimet e shumë vendeve tregojnë se vaksina e Pfizer dhe të tjerat, ofrojnë mbrojtje të fortë kundër variantit shumë ngjitës Delta, i cili po përhapet me shpejtësi në të gjithë botën dhe tani mbizotëron shumicën e rasteve në Shtetet e Bashkuara.

Por, antitrupat natyrshëm zbehen me kalimin e kohës, kështu që po zhvillohen studime nëse ka nevojë, dhe kur do të duhet të merret një dozë e tretë.

Të enjten, Mikael Dolsten nga kompania Pfizer tha për Associated Press se nga disa hulumtime të hershme rezulton se përmes një doze të tretë nivelet e antitrupave të njerëzve ngriten 5-10 herë më shumë, krahasuar me dozën e dytë.

Pfizer ka publikuar rezultatet e fundit të studimit të Izraelit, ku mbrojtja bie me 67% pas disa muajsh nga doza e dytë.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>