17 viktima dhe 781 raste të reja me Covid19 u raportuan të mërkurën (24 mars) në Kosovë. Instituti Kombëtar i Shëndetësisë Publike (IKSHPK) ka njoftuar pjesa më e madhe e të infektuarve ndodhet në Prishtinë, me 243 raste.
Gjatë 24 orëve të fundit, në Kosovë u shëruan 764 pacientë.
Rastet e para me koronavirus në Kosovë janë shënuar në mars të vitit 2020. Që nga ajo kohë janë regjistruar gjithsej 84.498 të infektuar, prej të cilëve 69.887 janë shëruar ndërsa 1.803 kanë vdekur.
Sipas IKSHPK-së, raste aktive aktualisht janë 12.808.
