60 të vdekur nga sulmet terroriste në Kabul, 12 shtetas amerikanë

Nga Exit News
60 të vdekur nga sulmet terroriste në Kabul, 12 shtetas amerikanë

Të paktën 60 persona humbën jetën dhe 140 të tjerë u plagosën nga sulmet terroriste në aeroportin e Kabulit, raporton BBC.

Mes viktimave janë edhe 12 shtetas amerikanë, 11 marinsa dhe një mjek sipas mediave amerikane.

Ata shënojnë viktimat e para të ushtrisë amerikane në Afganistan që nga shkurti i vitit 2020.

Dy sulme vetëvrasëse me bomba kanë goditur popullsinë civile në Kabul teksa ata përpiqen të largohen nga Afganistani përmes aeroportit.

Sulmet shënjestruan një nga portat e aeroportit ku trupat amerikane janë të vendosur duke ndihmuar në evakuuimin e qytetarëve të huaj dhe afganë.

Shpërthimet erdhën disa orë pas paralajmërimeve se një sulm nga një grup islamik mund të jetë i pashmangshëm.

Grupi që akuzohet përgjegjës për sulmet është ISIS-K, një degë e ISIS i cili është në konflikt edhe me talebanët.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>