Policia kufitare greke nuk po lejon kalimin e asnjë qytetari në pikën kufitare të Kapshticës, pasi pretendon se numri prej 300 personash i lejuar për të kaluar, është plotësuar.
Por dhjetra qytetarë shqiptare ende po presin për të kaluar kufirin.
Shqetësimi kryesor i tyre është skandenca e afatit prej 72-orësh të testit për Covid-19. Ata shprehen se kanë shpenzuar shumë para për të bërë testet për të gjithë familjen dhe nuk mund të lejojnë që policia greke t’i quaj ato të pavlefshme, ndërkohë që presin në radhë për të kaluar. Ata kanë paralajmëruar se do të protestojnë nëse Greqia nuk i njeh teste.
Sipas rregullave të reja të Greqisë, që qytetarët të lejohen të hyjnë në Greqi duhet të kenë me vete një test negativ për Covidin, të 72 orëve të fundit.
Shumica prej qytetarëve të bllokuar kanë thënë se nuk do të kthehen mbrashpt, por do të qëndrojnë aty edhe gjatë natës.
