Partia Demokratike i kërkoi Edi Ramës të bëjë transparencë me zgjerimin e 12 miljeve nga Greqia.
Në një postim në facebook, nënkryetari i PD, Edi Paloka pohoi se Edi Rama ka dhënë pëlqimin për zgjerimin e 12 miljeve. Ai theksoi se ekspertë të së drejtës së detit pohojnë se zgjerimi 12 milje kërkon pëlqimin e shtetit tjetër.
“Edi Rama duhet të bëj transparencë dhe të mos fshihet pas përbetimeve për kokë të babit. Ekspertët e fushës e kanë thënë qartë: Sipas ligjit ndërkombëtar, per shkak të pozicionit gjeografik të dy vendeve “ ku përfshihen brigje përballe” delimitimi i detit ka specifika të vecanta, ndaj deklarimi i njëanshem i njerës palë për zgjerimin me 12 milje nuk mund të aplikohet pa dakordësine e palës tjetër”
Paloka kërkoi Ramës të bëj tansparencë se sa zgjerimi prek kufirin shqiptar. Paloka përfundon se “Edi Rama e ka treguar ne keto 7 vite se per karriken e tij eshte gati te beje gjithcka, kunder interesit kombetar dhe kunder interesave te shqiptareve.”
