Ish deputetja Albana Vokshi deklaroi se qeveria nuk ka asnjë plan për për të siguruar kushte të nevojshme për të respektuar protokollin e sigurisë.
Në një takim disa banorë në qytetin e Beratit, Vokshi pohoi se ende është e paqartë se si do të rikuperojnë mësimin fëmijët me aftësi të kufizuar.
“Qeveria ashtu sikurse veproi për pandeminë, ose tërmetin, nuk ka plan, nuk ka strategji, nuk ka buxhet për të siguruar kushte të nevojshme për të respektuar protokollin e sigurisë. Për këta fëmijë kërkohen më tepër masa shtesë. Për këta fëmijë nuk flitet. Këta fëmijë janë inekzistent për këtë qeveri. Nuk ka mësues ndihmës, çfarë do të bëhet me fëmijët që kanë nevojë për këta mësues ndihmës. Qeveria nuk ka marrë asnjë masë për të kontraktuar mësues shtesë. Nuk kanë specialistët e nevojshëm, logopedistët apo specialistë të fushave të tjera që nevojiten për një shëndet më të mirë.”
Gjithashtu dhe ish deputetja Oriola Pampuri tha se nuk është dhënë asnjë informacion se sa ishte efektiv mësimi online për këta fëmijë me nevoja të veçanta.
