Partia Socialiste e konsideroi kërkesën e opozitës për të kërkuar opinion nga OSBE/ODIHR si një mjet për zvarritjen e procesit.
Gjatë mbledhjes së Këshillit Politik, Damian Gjiknuri është shprehur se formula e propozuar nga PS është marrë nga modelet europiane.
“Nuk mund të diktohet procesi i reformës nga kërkesat tuaja. Në emailin tuaj me shumë kërkoni sebep për të mos gjetur kompromis dhe kërkoni të imponoheni. Sipas jush kompromis është vetëm ajo që kërkoni ju. Propozimet tona janë të bazuara në praktikat evropiane dhe nuk është se kemi bërë shpikje. Edhe sa i takon koalicioneve është pikërisht qëndrim i yni i bazuar në praktikat evropiane. Kërkesa juaj për ODIHR është për të zvarritur procesin dhe futur në krizë kushtetuese vendin. “
Ai i propozoi PD dhe LSI të pranojë formulën e re të koalicioneve dhe të diskutojnë për listat dhe pragun kombëtar.
