PD ju kundërpërgjigjë, të shtunën, Kryeministrit Rama për inagurimin e nisjes së ndërtimti të banesave në Thumanë, duke publikuar dëshminë e një familje të braktisur nga qeveria në Mamurras.
Belind Këlliçi bisedoi me familjen Hyseni në Mamurras, të cilët kanë 9 muaj në çadër, pa ndihma, pa ilaçe dhe pa ushqime.
“Ndërsa Edi Rama bën shoë duke përuruar nisjen e punimeve për banesat në Thumanë, vetëm pak kilometra më tutje, në Mamurras shumë familje janë në vështirësi ekonomike dhe në varfëri ekstreme duke jetuar ende në çadra”, u shpreh Këlliçi.
“Nënë e bir, pavarësisht se vuajnë nga shëndeti mendor dhe jetojnë në çadër, nuk kanë parë asnjë ndihmë nga shteti”, tregon Këlliçi.
Ndërsa, Shkëlqim Hyseni, përfaqësuesi i familjes Hyseni kërkoi të dijë se kur do t0i ndërtohet shtëpia. “Veç ne duam sa më shpejt me bë shtëpinë se vjen dimri si thika”, u shpreh ai për PD-në.
