Kreu i PD-së, Lulzim Basha deklaroi se akuzat se ka shërbyer si hetues i UÇK-së janë shpifje dhe mashtrime.
Në një video mesazh, Basha nuk dha një përgjigje direkte për akuzat por pohoi se Rama kërkon të shpërqëndrojë vemendjen nga skandalet.
“Ti nuk më bën dot moral mua për patriotizëm. Ti nuk më mëson dot mua çfarë është besnikëria ndaj Shqipërisë. Edhe sot me gënjeshtrat, mashtrimet dhe veprimet e tua ti dëmton Shqipërinë, Kosovën dhe interesat kombëtare.
Po ta them qartë dhe prerë, të gjitha akuzat e tua janë shpifje dhe mashtrime për të larguar vëmendjen nga skandalet dhe dështimet e tua që po i paguajmë me jetë njerëzish. “
Më herët, Rama në një postim në Twitter e akuzoi Bashën se kishte hetuar UÇK-në.
