Kreu i PD-së Lulzim Basha akuzoi kompanitë koncesionare të inceneratorëve të mbetjeve se kanë korruptuar të gjitha mediat në vend.
Gjatë një interviste në emisionin Opinion, Basha tha se:
“Mafia e inceneratoreve ka një buxhet të veçantë për të paguar gazetarët shqiptarë.”
Pyetur nga gazetarët në studio se cilat janë mediat e korruptuara, Basha nuk pranoi të përmendë emra, por theksoi se akuzat e opozitës kundër inceneratorëve nuk janë transmetuar nga mediat.
Në disa raste, sipas tij, edhe gjatë transmetimeve live të Bashës, televizionet kanë ndërprerë transmetimin kur denoncoheshin inceneratorët, me justifikimin e ‘probleme teknike’.
Në bashkëbisedimet e vazhdueshme me gazetarët, Basha ka denoncuar vazhdimisht aferën korruptive të inceneratorëve.
