Pas lajmit për humbjen e jetës nga Covid-19 të pronarit të Fax News, Kasëm Hysenbelliu, pati reagime nga politikanët shqiptarë.
Presidenti Meta e konsideroi tronditës këtë lajm duke i inkurajuar gazetarët e Fax Web të vazhdojnë misionin e lënë përgjysëm nga Hysenbelliu.
Në një postim në Facebook, Meta shkruan:
“Tronditës dhe i pabesueshëm lajmi për humbjen e parakohshme nga jeta të Kasem Hysenbelliu, Presidentit të “Fax Neës”, kësaj media të lirë, të pavarur e dinjitoze.
Solidaritet me të gjithë gazetarët e “Fax News” dhe Faxweb.al, të cilët i inkurajoj të vazhdojnë misionin dhe ëndrrën e lënë përgjysmë nga Presidenti Hysenbelliu.”
Kryebashkiaku I Tiranës, Erion Veliaj e konsideroi ditën e sotme një ditë të trishtë për gazetarinë.
Kreu i PD-së, Lulzim Basha u shpreh se Hysenbelliu do të mbetet shembulli “i një njeriu kurajoz të sinqertë dhe të drejtpërdrejtë dhe një përkrahës i të drejtës dhe të vërtetës”
Kreu I grupit parlamentar të PS, Taulant Balla shkruan në një postim në Twitter:
“Lamtumirë miku im i mirë!”
