Mbretëresha Elizabetë iu drejtua qytetarëve për Krishtlindje duke iu thënë “nuk jeni vetëm”, teksa i bëri thirrje popullit britanik që “le të jetë mirësia dhe shpresa ajo që do të na drejtojë në këtë vit të ri”.
“Për shumë prej jush, kjo periudhë e vitit mund të jetë e ngjyrosur me trishtim, disa janë duke vajtuar humbjen e personave të dashur, ndërsa të tjerëve iu mungojnë miqtë dhe familjarët, të distancuar për të qenë të sigurt ndërkohë që e vetmja gjë që duan është një përqafim i thjeshtë apo një shtrëngim dore”, tha Mbretëresha gjatë fjalimit të saj. Nëse jeni midis tyre, nuk jeni vetëm”
Në fjalimin e përvitshëm të Krishtlindjeve, monarkja vlerësoi punonjësit në vijën e parë të luftës “me mbështetjen e arritjeve të mrekullueshme të shkencës moderne” për gjithë punën e bërë gjatë vitit.
Mbretëresha 94-vjeçare përshëndeti edhe popujt e tjerë përballimin e situatës së pandemisë.
“Ne vazhdojmë të jemi të frymëzuar nga mirësia e të panjohurve dhe ngushëllohemi se edhe në ditët më të errëta, ka shpresë për agimin e ri”, tha ajo.
Mbretëresha Elizabetë dhe Duka i Edinburgut po i kalojnë ditët e festave larg familjes së tyre.
Ato do t’i festojnë Krishtlindjet në kështjellën Ëindsor dhe jo Sandringham, siç është tradita e tyre e zakonshme.
Familja Mbretërore zakonisht kalon ditën e Krishtlindjes së bashku, por nuk do ta vizitojnë njëri-tjetrin këtë vit për shkak të kufizimeve.
Mbretëresha gjithashtu do të heqë dorë nga shërbimi i saj i zakonshëm në kishë.
