Numri i infektimeve me Covid-19 në vend është rritur gjatë javës së fundit dhe po ashtu edhe shtrimet në spitale, e mandej edhe numri i fataliteteve.
Qysh prej të enjtes së shkuar janë regjistruar 119 viktima, ndërkohë që, numri total i rasteve të reja të regjistruara për shtatë ditët e fundit është 6404.
Ky numër është i afërt me atë të personave të shëruar, 6483.
Para një jave në 4 spitalet Covid ishin 618 persona, ndërsa sot gjenden 628.
Nëse llogarisim edhe personat që kanë humbur jetën, mund të deduktojmë se kemi mbi 100 shtrime më tepër se javën e kaluar.
Mosha mesatare e viktimave varion nga 42-85.
Mesatarja e të shtruarve në terapinë intensive është 43, ndërsa e personave të intubuar 15.
Qytetet me te prekura kanë qënë vazhdimisht Tirana, Fieri, Durrësi dhe Vlora.
