Sekretari i Përgjithshëm i Partisë Demokratike, Gazmend Bardhi, zhvilloi të dielën takime me banorët e zonës së Gjinarit në Elbasan.
Disa nga problemet më të mëdha të artikuluara nga banorët ishin mungesa e rrugës dhe ujit të pijshëm.
Bardhi kërkoi nga banorët e fshatit që të dalin sa më shumë në votime në 25 prill.
Ai u shpreh se është e nevojshme të reflektohet e të vendoset një standard, se kush nuk mban premtimet dhe gënjen për pushtet, nuk duhet votuar.
“[Rama] ka edhe arrogancën dhe ta thotë në sy ai. Më jepni votën se këto 4 vite do të punoj për ju. Pra e pranon se 8 vite ka punuar për veten e vet,” tha Bardhi.
