Në KZAZ numër 38, tek Shkolla e Kuqe, në njësinë numër 8, në Tiranë, në avantazh është PD, njoftoi shefi i fushatës së PD-së Alfred Rrushaj.
Rrushaj u shpreh se PD u rrit në krahasim me 2017. “Pritshmëria jonë është që padyshim të marrim një avantazh të madh ndaj PS vetë si Parti Demokratike. Si koalicion pastaj, ky avantazh do të dyfishohet besoj”, theksoi ai.
Gjithashtu, ai bëri thirrje që të numërohet çdo votë. Ndërsa për numërimin e zonave të majta në fillim të procesit, Rrushaj u shpreh se:
“Besoj se ky është një konstatim që e keni bërë edhe ju, siç e keni parë trendi sot qartësisht ka ardhur në rritje për Partinë Demokratike dhe opozitën”.
