Kryeministri britanik Boris Johnson u martua me të fejuarën e tij Carrie Symonds në Katedralen Westminster të shtunën,
Ngjarja nuk ishte njoftuar paraprakisht dhe mediat britanike raportojnë se edhe të ftuarit u vunë në dijeni në momentin e fundit.
Njoftimi zyrtar u lëshua vetëm të dielën nga zyra e kryeministrit britanik.
“Kryeministri dhe zonja Symonds u martuan dje pasdite në një ceremoni të vogël në katedralen Westminster,” deklaroi zyra e Johnson.
Por nuk ngelet me kaq sepse çifti Johnson ka në plan të mbajë një tjetër dasmë në të ardhmen.
“Çifti do të festojë martesën me familjen dhe miqtë verën e ardhshme,” shtoi zyra e shtypit.
Lajmi i fundit përkon me fjalët që qarkullonin në fillim të muajit se ftesat e dasmës që iu ishin dërguar miqve dhe familjes, kishin si datë martese korrikun e 2022.
Kjo është martesa e tretë për Johnson, i cili vitin e kaluar priti edhe një djalë me të fejuarën Symonds.
Në ceremoninë private nuk besohet të kenë qënë më shumë se 30 pjesëmarrës, për shkak të kufizimeve të COVID-19 në vend.
Katedralja u mbyll në 01:30 pasdite të shtunën dhe Symonds mbërriti 30 minuta më vonë në një limuzinë.
Martesa vjen në një moment të vështirë politik për Johnson, i cili akuzohet për keqmenaxhim të pandemisë.
