Ish Presidenti i Afrikës së Jugut, Jacob Zuma është dënuar me 15 muaj burg nga gjykata më e lartë e vendit.
Dënimi vjen pasi Gjykata Kushtetuese e shpalli atë fajtor për kundërshtimin e urdhrit të saj për t’u paraqitur në një hetim për korrupsionin ndërsa ishte president.
Pasi Zuma u largua nga pushteti në vitin 2018, nisën akuzat për rryshfet.
Biznesmenë të vendit u akuzuan për komplot me politikanë për të ndikuar në procesin e vendimmarrjes.
Ish presidenti dëshmoi vetëm një herë në hetimin për atë që është bërë e njohur si “kapja e shtetit” por më pas refuzoi të paraqitej në gjykatë.
Zuma nuk ishte në gjyq për të dëgjuar vendimin dhe ka deklaruar vazhdimisht se ai ishte viktimë e një komploti gjigand politik.
Ai u shpall i pafajshëm muajin e kaluar në një proces gjyqsor kundër tij për korrupsion që përfshinte një marrëveshje armësh prej 5 miliardë dollarësh nga vitet 1990.
Atij i është dhënë pesë ditë kohë për t’u dorëzuar në polici. Nëse nuk e bën ministri i brendshëm duhet të urdhërojë arrestimin e tij.
