Kosova ka regjistruar njëmbëdhjetë viktima nga COVID-19 në 24 orët e fundit, duke shënuar për herë të parë pas disa muajsh shifra dyshifrore viktimash.
Ndërsa autoritetet shëndetësore kanë njoftuar të dielën se nga testimi i 10 710 mostrave janë identifikuar 1 682 raste të reja të infektimeve.
Numri i infektimeve me COVID-19 në Kosovë ka shënuar rritje të ndjeshme edhe këtë javë si pasojë e variantit Delta, gjë që ka bërë që vendi të rikthehet në listën e Gjermanisë së zonave me rrezik të lartë nga koronavirusi.
Sipas të dhënave, numri i rasteve aktive në vend është 19 695.
Gjatë 24 orëve të fundit janë shëruar 263 qytetarë, duke e çuar numrin e përgjithshëm të të shëruarve në 107 288 qytetarë qysh prej fillimit të pandemisë.
Sipas një raportimi nga Radio Evropa e Lirë, të premten në Qendrën Klinike Universitare të Kosovës (QKUK), Klinikat COVID dhe spitalet e përgjithshme rajonale rezultojnë 858 pacientë të shtruar, prej të cilëve 776 ttë konfirmuar me Covid-19.
Prej të shtruarve, 32 janë në gjendje të rëndë shëndetësore, ndërsa 664 po trajtohet me oksigjeno-terapi.
Deri tani, Kosova ka administruar mbi 707 793vaksina. Kurse të vaksinuar plotësisht, janë mbi 236 405 qytetarë persona.
