Ditët e fundit, Prokuroria e Tiranës ka nisur hetimin ndaj disa zyrtarëve të Ministrisë së Shëndetësisë. Ata dyshohen se kanë shkelur ligjin në zhvillimin e disa tenderave për ilaçet. Prokuroria nuk i ka bërë ende publik emrat, por vetëm veprat penale për të cilat ata po hetohen, korrupsion dhe shpërdorim detyre.
Hetimi nisi pas një raporti të Kontrollit të Lartë të Shtetit, i cili pas kontrolleve në ministri, gjeti shkelje në proçedurat e tenderave.
Ky është hetimi i dytë që po zhvillohet njëkohësisht ndaj zyrtarëve të kësaj ministrie. Prokuroria e Krimeve të Rënda po heton dhënien me konçesion të disa shërbimeve publike nga kjo ministri.
