Këshilli politik ka rënë dakord për kryerjen e identifikimit biometrik të zgjedhësve në të gjithë vendin.
“Identifikimi biometrik do të bëhet në të gjithë vendin. Po, kanë rënë dakord. Ka patur dakordësi, ka patur zhvillime, palët kanë lëvizur”, tha deputetja Rudina Hajdari në emisionin Opinion të Blendi Fevziut.
Zonja Hajdari e konfirmoi se këshilli politik nuk do të diskutojë për qeverinë kujdestare dhe për sistemin zgjedhor.
Ajo, gjithashtu theksoi se sistemi politik është çështja më e rëndësishme por PS kërkon të diskutohet në një moment tjetër, PD shmang diskutimin ndërsa LSI nuk është shprehur fare.
