Nënë Tereza do të shenjtërohet nga Papa Françesku më 4 Shtator. Ky njoftim u bë nga Papa Françesku, i cili deklaroi se shenjtërimi do të bëhet në Bazilikën e Shën Pjetrit në Vatikan.
Në dhjetor 2015, Vatikani i njohu Nënë Terezës mrekullinë e dytë, atë të shërimit të një braziliani me tumor në kokë. Ndërsa mrekullia e parë, ajo që i solli asaj Lumturimin, ishte shërimi i një indianeje nga kanceri në stomak.
Nënë Tereza mori çmimin Nobel për Paqen në vitin 1979 për luftën e saj kundër varfërisë dhe fatkeqësive në botë. Ajo ndërroi jetë më 5 shtator 1997.
