Një rrjet shqiptatësh për trafikimin e lëndëve narkotike u kap këtë javë në Lyon të Francës.
Agjensia franceze e lajmeve AFP njoftoi se në Lyon u arrestua grupi shqiptar i trafikut të drogës dhe u konfiskuan 3 200 euro, dy kilogram heroinë dhe 500 gramë kokainë.
14 personat, anëtarë të grupit, ishin të gjithë shqiptarë me statusin e azilantit. Të gjithë ishin të moshës nga 19 deri në 46 vjeç. Grupi kishte 13 meshkuj dhe një femër.
Hetimet ndaj tyre nisën kur shqiptarët kërkuan të kthehen në shtëpi gjatë karantinës.
Ata dërgonin rregullisht para në Shqipëri për t’i investuar në hotele dhe qendra tregtare.
