Drejtori i Përgjithshëm i Policisë Ardi Veliu ka bërë sot disa ndryshime mes drejtuesve të policisë në Tiranë, Korçë, Fier e Gjirokastër.
Ndër të tjera, Veliu emëroi dhe zëvendësuesin e Enkeleda Toskës në Drejtorinë e Kufirit Tiranë. Toska bashkë me 4 zyrtarë të tjerë u shkarkuan pasi akuzohen si pjesë e një grupi që trafikonte shtetas nga Lindja e Mesme drejt BE-së.
Emërimet e reja janë:
– Arben Ibro emërohet drejtor kufiri në Tiranë në vendin e Enkeleda Toskës.
– Neritan Nallbati nga drejtor i standardeve është emëruar drejtor policie në Berat, në vendin e Hasan Ahmetit.
– Bledar Çeliku nga drejtor kundër trafikut dhe narkotikëve në Drejtorinë e Përgjithshme shkon drejtor policie në Fier.
– Andon Marku, ish-drejtor në Fier, shkon drejtor kufiri në Korçë.
– Drejtori i kufirit Korçë Arben Joca shkon drejtor kufiri në Gjirokastër.
– Ferdinad Mara nga Drejtoria e Përgjithshëm është emëruar drejtor i policisë Korçë.
