Ish-deputetja e LSI-së Kejdi Mehmetaj ka ngritur dyshime se zjarrëvëniet në pyllin e Semanit janë të qëllimshme.
Në një postim në Facebook, ajo shkruan se ‘banorët ngrenë pikëpyetje për zjarrëvënie të qëllimshme me synim shpyllëzimin e zonës e më pas privatizimin e përvetësimin e asaj toke që sot është e mirë publike.’
Prej të dielës, pylli i Semanit është përfshirë nga flakët dhe zjarrëfikëset nuk kanë mundur ta shuajnë atë.
Mehmetaj i kërkoi institucioneve të drejtësisë të fillojnë hetimet e njëkohësisht në mënyrë urgjente të nxisin pushtetin qëndror e lokal të shuajnë zjarrin përpara se dëmet të jenë të parikuperueshme.
