Ambasada e SHBA-ve shprehu ngushëllime për ndarjen nga jeta të ish-kryeministrit Bashkim Fino.
Përmes një postimi në Facebook, Ambasada shkruan se Fino do të kujtohet për drejtimin e qeverisë së pajtimit kombëtar dhe për kontributin e tij gjatë viteve si deputet.
“Ambasada e Shteteve të Bashkuara të Amerikës dëshiron t’i përçojë ngushëllimet e sinqerta familjes, miqve dhe kolegëve të z.Bashkim Fino, i cili u nda nga jeta sot në mënyrë të parakohshme. Z.Fino do të kujtohet për udhëheqjen, në moshë fare të re, të Qeverisë së Pajtimit Kombëtar përgjatë vitit të vështirë 1997 e gjithashtu për kontributin e tij në proceset ligjbërëse gjatë karrierës së tij të larmishme politike. U prehtë në paqe”
Fino u nda nga jeta orët e para të kësaj dite. Ai nuk arriti ta fitonte betejën me Covid19.
