Të premten, 1 maj, Administrata amerikane e Ushqimit dhe Barnave (FDA) lëshoi aprovimin urgjent për përdorimin e ilacit remdesivir si trajtim tek pacientët me simptoma të rënda të shkaktuar nga Covid-19.
Ky ilaç është një antiviral i prodhuar fillimisht për të luftuar Ebolën, por pas testimeve të shumta, ilaçi nuk rezultoi efektiv kundër saj.
FDA miratoi Remdesivirin vetëm për pacientët e sëmurë rëndë dhe vetëm përkohësisht; miratimi zyrtar duhet të vijë më vonë.
Megjithatë, shumë mjekë që punojnë në njësi të kujdesit intensiv filluan përdorimin e ilaçit si një armë të re të fortë kundër virusit që po vret pacientët në të gjithë botën.
Kjo pasi më parë janë bërë disa raunde testimi me këtë ilaç dhe rezultatet tek njerëzit ishin të mira.
Pacientët me Covid-19 të cilët u kuruan me remdesivir, u shëruan më shpejt, dhe shumica e tyre mund të shkojnë në shtëpi brenda disa ditëve.
Pacientët që morën pjesë në provën klinike të ilaçit, kishin të gjithë simptoma të rënda të frymëmarrjes dhe ethe, por u përmirësuan dhe ishin në gjendje të largoheshin nga spitali pas më pak se një javë trajtimi.
Deri më tani, rreth 4 muaj nga përhapja e Covid-19, nuk ka asnjë terapi të aprovuar për virusin, i cila mund të shkaktojë pneumoni të rëndë dhe probleme të rënda të frymëmarrjes në disa pacientë. Por Instituti Kombëtar i Shëndetit po zhvillon prova të disa ilaçeve dhe trajtimeve të tjera, mes tyre dhe remdesiviri.
Ilaçi është prodhuar nga Gilead Sciences.
