Arrestohen drejtuesit e gazetës opozitare në Hong-Kong

Nga Exit News
Arrestohen drejtuesit e gazetës opozitare në Hong-Kong

Qindra policë të Hong Kong-ut mësynë mëngjesin e të enjtes zyrat e gazetës opozitare “Apple Daily” dhe arrestuan drejtuesit e saj.

Autoritetet në Hong Kong i akuzojnë ata për bashkëpunim me vende të huaja për të rrezikuar sigurinë kombëtare.

Masa ëshë konsideruar si goditja më e fundit ndaj pronarit të gazetës Jimmy Lai, i cili është tashmë i burgosur dhe i janë ngrirë të gjitha asetet ekonomike.

Operacioni i policisë është një përshkallëzim domethënës në lëvizjet e qeverisë kundër shtypit në Hong-Kong.

Pronari i gazetës, Jimy Lai ndodhet në burg që prej gushtit të vitit të shkuar nën akuzat e shkeljes së ligjit të sigurisë kombëtare të vendosur nga Kina.

Ligji i sigurisë kombëtare u vendos nga Pekini, me bekimin e qeverisë së Hong Kong-ut, në qershor të vitit 2020 dhe që prej asaj kohe ka çuar në arrestime të më shumë se 100 individëve, përfshi 54 për mbajtjen e sondazheve demokratike. Politikanët dhe aktivistët ishin midis të arrestuarve, dhe shumicës iu mohua lirimi me kusht.

Arrestimi Lai-t erdhi pas mbështetjes që Apple Daily bëri për protestat kundër Kinës që shpërthyen në Hong Kong gjatë 2019.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>