Policia e Shtetit njoftoi të enjten se ka arrestuar në Vlorë një 30-vjeçar në kërkim ndërkombëtar, me qëllim ekstradimi drejt Italisë.
Sipas njoftimit të publikuar në faqen zyrtare të Policisë, personi G. K., 30 vjeç, banues në Orikum ishte dënuar nga Gjykata e Messinas, Itali, për “Pjesëmarrje në organizatë kriminale” dhe “Trafikimi i lëndëve narkotike”.
Interpol Tirana, në bashkëpunim me Interpol Romën, vijon procedurat për ekstradimin e tij drejt Italisë, bënë me dije policia.
