Kreu i grupit socialist Taulant Balla akuzoi PD-në e LSI-në se kanë tentuar të pengojnë votimin e ndryshimeve kushtetuese duke takuar disa deputetë të opozitës parlamentare.
Duke folur në kuvend Balla tha me ironi, se me këto takime, PD e LSI janë rikthyer në kuvend:
“Më vjen mirë që PD-LSI janë rikthyer në Kuvend, do ju lutesha ju që jeni bashkuar mbrëmë gjatë natës në përpjekje për të penguar Kuvendin për të hapur listat.
Formësoni grupet dhe mund të merrni këshilltarë zotin Bardhi dhe Vasili dhe këdo që keni takuar dhe dakordësuar qëndrimin tuaj. Ky është hap pozitiv për një gjithëpërfrishje edhe të partive që përmenda më lart.”
